TUME YA KATIBA YAMALIZA KAZI, YAMKABIDHI JK RASIMU YA MWISHO YA KATIBA MPYA.

Dar es Salaam.Tume ya Mabadiliko ya Katiba imetoa Rasimu ya Pili ya Katiba ikiwa na mambo sita mpya, huku ikiendelea kupendekeza Muungano wa Serikali tatu na kurejea kwa nchi ya Tanganyika.

Rasimu hiyo ya Pili ambayo imetolewa miezi saba baada ya Rasimu ya Kwanza, ilikabidhiwa jana kwa Rais Jakaya Kikwete na Rais wa Zanzibar, Dk Ali Mohammed Shein na Mwenyekiti wa Tume ya Mabadiliko ya Katiba, Jaji Joseph Warioba katika hafla iliyofanyika kwenye Viwanja vya Karimjee, Dar es Salaam. Akizungumza kabla ya kukabidhi rasimu hiyo, Jaji Warioba alisema ina Ibara 271, tofauti na ile ya kwanza iliyokuwa na Ibara 240.

Alisema ripoti ya rasimu hiyo pia ina maoni ya wananchi kuhusu mabadiliko ya Katiba, sera, sheria na utekelezaji maoni ya Mabaraza ya Katiba, takwimu za ukusanyaji wa maoni ya wananchi, makala za utafiti kuhusu mabadiliko ya Katiba na viambatanisho vya ripoti ya mabadiliko ya Katiba.

Mambo mapya

Maeneo yaliyofanyiwa marekebisho baada ya mchakato wa Mabaraza ya Katiba yaliyokutana kuanzia Julai 12 hadi Septemba 2 mwaka huu ni kuongezwa kwa vipengele kuhusu haki za binadamu.

Miongoni mwao ni haki ya kutoa na kupata habari. Pia imetaja haki za makundi maalumu yakiwamo ya watoto, vijana, wazee, walemavu na wanawake.

Kuhusu uraia, Jaji Warioba alisema imependekezwa uraia wa Tanzania kuwa mmoja tu na kutambuliwa kwa uraia wa kuzaliwa na wa kujiandikisha wa nchi moja. Alisema imependekeza pia kutoa fursa kwa uraia wa nchi mbili.

Jambo jingine jipya ni kupunguzwa kwa madaraka ya uteuzi ya Rais kwa kuweka vyombo vya kupendekeza majina ya watu wa kuteuliwa na baadhi ya vyeo kuhitaji kuthibitishwa na Bunge.

Aidha, alisema rasimu hiyo imependekeza Ofisi ya Msajili wa Vyama vya Siasa iwe taasisi inayojitegemea badala ya kuwa sehemu ya Tume ya Taifa ya Uchaguzi (Nec) kama ilivyokuwa katika Rasimu ya Kwanza.

“Rasimu inapendekeza kuwepo na Jeshi moja la polisi na Idara moja ya Usalama kwa taifa zima, siyo kama tulivyokuwa imependekezwa katika rasimu ya kwanza kwamba kila upande unaweza kuanzisha jeshi lake la polisi,” alisema.

Muungano

Akizungumzia Muungano na jinsi Tume ilivyofanya uchambuzi wa pendekezo lake la Serikali tatu alisema: “Katika Rasimu ya Kwanza tulieleza kuwa kuendelea kwa Serikali mbili kulihitaji ukarabati mkubwa ambao tuliona hautawezekana.

“Sheria ya Mabadiliko ya Katiba ilieleza Tume itaongozwa na msingi mkuu wa kitaifa na maadili ya jamii ya kuhifadhi na kudumisha mambo kadhaa muhimu, moja ya mambo hayo ilikuwa ni kuwapo kwa Jamhuri ya Muungano. Tume ilianza kazi kwa madhumuni ya kupata maoni ya kuboresha Muungano.”

Alisema watu wengi walizungumzia Muungano, lakini wengi wao walijikita katika muundo wake. Kwa Tanzania Bara, wananchi zaidi ya 39,000 walitoa maoni yao kuhusu muungano, kati yao 27,000 walizungumzia muundo wake. Kwa upande wa Zanzibar, kati ya wananchi 38,000 waliotoa maoni 19,000 walizungumzia muundo wa Muungano.

“Tanzania Bara asilimia 13 walitaka Serikali moja, asilimia 24 walipendekeza Serikali mbili, asilimia 61 walipendekeza Serikali tatu. Kwa upande wa Zanzibar, asilimia 34 walipendekeza Serikali mbili na asilimia 60 walipendekeza Muungano wa mkataba na watu 25 sawa na asilimia 0.1 walitaka Serikali moja,” alisema.

Alisema vyama vya siasa, taasisi za kidini, asasi za kiraia na baadhi ya taasisi za Serikali zilipendekeza muundo wa Serikali tatu, huku akitolea mfano wa Baraza la Wawakilishi Zanzibar, Baraza la Katiba Ofisi ya Waziri Mkuu na Mamlaka ya Mapato Tanzania (TRA).

Malalamiko Muungano

Alisema kila upande wa Muungano una malalamiko mengi kuhusu muundo na kwamba tume hiyo imeorodhesha malalamiko 10 kwa upande wa Zanzibar na manane kwa upande wa Tanzania Bara.

Alisema kwa upande wa Zanzibar, malalamiko matatu makubwa ni Serikali ya Tanganyika kuvaa koti la Serikali ya Muungano ambalo linaisaidia zaidi Tanganyika kuliko Zanzibar na kuifanya Tanganyika kuwa Tanzania.

Pili, mambo ya Muungano kuongezeka na kuathiri madaraka na kuishusha hadhi Zanzibar na tatu ni kumuondoa Rais wa Zanzibar kuwa Makamu wa Rais wa Jamhuri ya Muungano.

Alisema kwa Tanzania Bara, malalamiko makubwa ni Zanzibar kuwa nchi huru yenye bendera yake, wimbo wa taifa, serikali yake na imebadili Katiba yake ili ijitambue kama nchi, wakati Tanzania Bara imepoteza utambulisho wake. Katiba ya Jamhuri inasema Tanzania ni nchi moja lakini Katiba ya Zanzibar inasema ni nchi mbili.

Pili, Zanzibar imebadili Katiba yake na kuchukua madaraka ya Jamhuri ya Muungano, kuelekeza sheria za Muungano zinazopitishwa na Bunge la Muungano zipelekwe kwanza kwenye Baraza la Wawakilishi kabla ya kutumika.

Tatu, wananchi wa Tanzania bara kutokuwa na haki ya kumiliki ardhi Zanzibar, wakati wenzao wana haki hiyo Tanzania bara.

Muundo wa Muungano

Alisema katika kuchambua malalamiko ya Zanzibar, Tume imebaini kuwa muundo wa Muungano wa Serikali mbili umeifanya Serikali ya Muungano kushughulikia zaidi mambo ya Tanzania bara, hasa maendeleo na uchumi.

Kwa mujibu wa Katiba ya Jamhuri ya mwaka 1977, Serikali ya Muungano ina mamlaka ya kusimamia mambo ya Muungano na yasiyo na muungano kwa upande wa bara... “Kwa msingi huo, Serikali ya Muungano inashughulikia sana kilimo, elimu, afya, maji, nishati na madini, ujenzi, uchukuzi, maliasili na utalii na mengine ya Tanzania bara yasiyo ya Muungano.”

Alisema kutokana na hali hiyo, Tume haikuwa na njia nyingine kwa sababu Serikali ya Muungano haina madaraka ya kutosha juu ya mambo ya maendeleo na uchumi kwa upande wa Zanzibar na kwamba hata utafutaji wa rasilimali zaidi ni kwa ajili ya Tanzania bara kuliko Zanzibar.

Alisema Zanzibar inafanya mipango yake ya maendeleo, kwamba ili ipate rasilimali, kama mikopo na misaada, ni lazima ipitie Serikali ya Muungano jambo ambalo utekelezaji wake umesababisha matatizo mengi.

“Njia pekee ambayo ingeiwezesha Zanzibar kufaidi shughuli za Serikali ya Muungano wa maendeleo ya Zanzibar ni mambo yote kuwa chini ya Muungano kwa maana ya kuwa na Serikali moja, lakini hilo likifanyika kuna hofu ya Zanzibar kumezwa,” alisema.

Alisema tume hiyo imefanya uchambuzi wa mambo 22 ya Muungano ili kubaini kama yanaingilia hadhi ya uhuru wa Zanzibar na kubaini kuwa siyo yote yanayotekelezeka. Mengi yamebadilishwa bila kubadili Katiba au kwa makubaliano ya pande mbili.

Aliyataja mambo hayo kuwa ni kodi, bandari, viwanda, usafiri na usafirishaji wa anga, utafiti, posta na simu, uraia, takwimu, mafuta na gesi na Mahakama ya Rufaa.

“Kama Katiba ya Zanzibar ikibaki kutakuwa na nchi mbili; zikiwa nchi mbili haitawezekana nchi moja iwe na hadhi na uhuru na nchi nyingine isiwe na hadhi na uhuru, kwa tathmini yetu, tunaona ukarabati huu ni mgumu. Serikali tatu ndiyo suluhisho,” alisema.

Imetumwa na Editorial Team saa 12:54 AM kwenye habari za kitaifa

KAMISHNA ERNEST MANGU, SASA IGP MPYA JESHI LA POLISI.

Dar es Salaam.Rais Jakaya Kikwete amemteua Kamishna wa Polisi, Ernest Mangu kuwa Mkuu wa Jeshi la Polisi nchini.

Taarifa iliyotolewa jana usiku na Katibu Mkuu Kiongozi, Balozi Ombeni Sefue ilisema kuwa Kamishna Mangu anachukua nafasi ya Mkuu wa Jeshi la Polisi nchini aliyestaafu, Saidi Mwema.

Kabla ya uteuzi wake unaoanza kesho, Januari Mosi, 2014, Kamishna Mangu alikuwa Mkurugenzi wa Inteligensia ya Jinai (Director of Criminal Intelligence) katika jeshi hilo la Polisi. Pia taarifa hiyo ilisema kuwa Rais Kikwete amemteua Kamishna Abdulrahman Kaniki kuwa Naibu Mkuu wa Jeshi la Polisi, ambayo ni nafasi mpya katika muundo wa sasa wa Jeshi la Polisi.

Kabla ya uteuzi wake, Kamishna Kaniki alikuwa Kamishna wa Uchunguzi wa Kijinai (Commissioner for Forensic Investigations). Taarifa hizi zilitufikia wakati tukienda mtamboni.

Imetumwa na Editorial Team saa 12:51 AM kwenye habari za kitaifa

ZABUNI/TENDERS

Tender No.	Tender Description	Tender Category	Entity Name	Deadline	Download
LGA/017/ KMC/2013/2014/W/06	Proposed for Construction of Box Culverts, Upgrading, Periodic Maintenance of Various Roads in Kinondoni Municipality Lot # Details Proposed for Construction of Box Culverts, Upgrading, Periodic Maintenance of Various Roads in Kinondoni Municipality	Works	Kinondoni Municipal Council	2013-12-30 10:00:00  (hrs)
IE/07/2013-14/HQ/C/04	Consultancy Services for Special Session on Sexual Based Violence Lot # Details Consultancy Services for Special Session on Sexual Based Violence	Consultancy Services	Judiciary	2013-12-30 10:00:00  (hrs)
LGA/017/ KMC/2013/2014/W/07	Proposed Construction of RCH Building to be Built at Mabwepande Hospital in Kinondoni Municipality Lot # Details Proposed Construction of RCH Building to be Built at Mabwepande Hospital in Kinondoni Municipality	Goods	Kinondoni Municipal Council	2013-12-30 10:00:00  (hrs)
ME/005/RCIP/2013-14/C/05	Consulting Services to Conduct Impact Assessment of Leadership Training Programmers in Public Service Lot # Details Consulting Services to Conduct Impact Assessment of Leadership Training Programmers in Public Service	Consultancy Services	President Office Public Service Management	2013-12-31 09:00:00  (hrs)
ME/011-2013-14/G/05	Purchase of .Water Pump Set 30. Lot 2: Water Pump Kit 02 Lot # Details Purchase of .Water Pump Set 30. Lot 2: Water Pump Kit 02	Goods	Ministry of Water and Irrigation	2013-12-31 10:00:00  (hrs)
PA/003/2013-14/W/03	Proposed Reli House on Plot No.2405/118, Sokoine Drive Dar es Salaam Lot # Details Proposed Reli House on Plot No.2405/118, Sokoine Drive Dar es Salaam	Works	RELI Asset Holding Company Ltd	2013-12-31 10:30:00  (hrs)
AE/009/13-14/G/05	Supply of Drilling Materials .Lot 1: Submersible. Lot 2: Hand Pumps Lot # Details Supply of Drilling Materials .Lot 1: Submersible. Lot 2: Hand Pumps	Goods	Drilling and Dam Construction Agency	2014-01-01 11:00:00  (hrs)
AE/016/2013-14/CTB/NC/20	Supply Instillation Testing and Commissioning of a Secondary Internet Service Lot # Details Supply Instillation Testing and Commissioning of a Secondary Internet Service	Non Consultancy Services	Tanzania Ports Authority	2014-01-02 00:44:00  (hrs)
PA/082/2013-14/HQ/C/16	Consultancy Services for Assessment and Analysis of Banks Environment to Facilitate Development of RFID System, in the Bank of Tanzania Lot # Details Consultancy Services for Assessment and Analysis of Banks Environment to Facilitate Development of RFID System, in the Bank of Tanzania	Consultancy Services	Bank of Tanzania	2014-01-03 11:30:00  (hrs)
LGA/018/2013-14/C/04	Provision of Consultancy Service for the Rehabilitation/Refurbishment of the Historic Karmjee Hall at Sokoine Road in Dar es Salaam Lot # Details Provision of Consultancy Service for the Rehabilitation/Refurbishment of the Historic Karmjee Hall at Sokoine Road in Dar es Salaam	Consultancy Services	DSM City Council	2014-01-03 14:00:00  (hrs)
PA/01/2013-14/SNZ/W/08	Contractors for Civil Works at South West Highlands Zone Regions of Mbeya , Iringa, Rukwa, Ruvuma and Kihansi Hydro Power Plant Lot # Details Contractors for Civil Works at South West Highlands Zone Regions of Mbeya , Iringa, Rukwa, Ruvuma and Kihansi Hydro Power Plant	Works	Tanzania Electric Supply Co Limited	2014-01-03 14:30:00  (hrs)
LGA/124/2013/2014/W/01 LOT4	Works for Construction of Four Storey Office Block for Tabora Municipal Council. Lot # Details Works for Construction of Four Storey Office Block for Tabora Municipal Council.	Works	Tabora Municipal Council	2014-01-06 10:00:00  (hrs)
PA/004/2013-2014/HQ/NCS/15	Provision of Consultancy Services for Maintenance and Support oracle for Enterprises Resource Package R.12 E. Business Suite Lot # Details Provision of Consultancy Services for Maintenance and Support oracle for Enterprises Resource Package R.12 E. Business Suite	Non Consultancy Services	National Social Security Fund	2014-01-06 15:00:00  (hrs)
PA/004/2013-2014/HQ/W/07	Proposed Construction of Satellite Village at Dungu Farm, Kigamboni in Temeke Municipality, Dar Es Salaam - Lot 4A Lot # Details Proposed Construction of Satellite Village at Dungu Farm, Kigamboni in Temeke Municipality, Dar Es Salaam - Lot 4A	Works	National Social Security Fund	2014-01-07 15:00:00  (hrs)
RAS/012/2013-14/W/02	Works for Construction of Ikungu District Commissioner's Residence Lot # Details Works for Construction of Ikungu District Commissioner's Residence	Works	Singida	2014-01-08 09:00:00  (hrs)
RAS/012/2013-14/W/03	Works for Construction of Mkalama District Commissioner's Residence Lot # Details Works for Construction of Mkalama District Commissioner's Residence	Works	Singida	2014-01-08 09:00:00  (hrs)
AE/008/2013- 14/HQ/C/32	Provision of Financial Management Services to Administer Grant Payments by a Trust Agent Lot # Details Provision of Financial Management Services to Administer Grant Payments by a Trust Agent	Consultancy Services	Rural Energy Agency	2014-01-08 12:00:00  (hrs)
AE/025/2013-14/HQ/G/02	Supply of . Lot 1: Computers and Computer Devices. Lot 2: Servers. Lot 3: Photocopiers. Lot 4: CCTV- IP Based Cameras. Lot 5: Access Control and Time Lot # Details Supply of . Lot 1: Computers and Computer Devices. Lot 2: Servers. Lot 3: Photocopiers. Lot 4: CCTV- IP Based Cameras. Lot 5: Access Control and Time Attendance System. Lot 6: Electronic and Time Attendance System. Lot 7: Tablet Computer. Lot 8: Software Tools. Lot 9: HDV Professional Shoulder - Mou	Goods	Surface and Marine Transport Regulatory Authority	2014-01-08 14:00:00  (hrs)
AE/01/2013/2014/HQ/C/05	Consultancy Services for Feasibility Study Environmental and Social Impact Assessment, Detailed Engineering Design and Preparation of Tender Documents Lot # Details Consultancy Services for Feasibility Study Environmental and Social Impact Assessment, Detailed Engineering Design and Preparation of Tender Documents for Upgrading of Arusha - Kibaya - Kongwa - Road (493Km)to Bitumen Standard	Consultancy Services	Tanzania National Roads Agency	2014-01-10 10:00:00  (hrs)
PA/33/2013-14/PN/16	Works for Construction of SIDO Office Building in Kibaha Town Lot # Details Works for Construction of SIDO Office Building in Kibaha Town	Works

Imetumwa na Editorial Team saa 2:22 AM kwenye Zabuni

Kim Paulsen ametangaza kikosi cha wachezaji 32 kitakachoivaa Kenya

Kocha mkuu wa timu ya soka ya taifa Taifa stars Kim Paulsen ametangaza kikosi cha wachezaji 32 kitakachoivaa Kenya katika mchezo wa kimataifa wa kirafiki utakaochezwa Novemba 19 jijini Dar es Salaam pamoja na michuano ya chalenji itakayofanyika kuanzia Novemba 28 hadi Desemba 12 jijini Nairobi, Kenya.

Akitangaza kikosi hicho kwa niaba ya kocha mkuu Kim Paulsen kaimu katibu mkuu wa TFF Boniface Wambura amesema idadi ya wachezaji walioitwa imekuwa kubwa baada ya kocha kim kuwaongeza wachezaji 10 kutoka katika kikosi cha pili cha timu ya taifa- Future Young Taifa stars ambacho jana kimeidhiri timu kubwa ya taifa Taifa stars kwa bao 1-0 katika mchezo wa kujipima ubavu uliochezwa kwenye uwanja wa Karume jijini Dar es Salaam.

Kikosi hicho kinajumuisha wachezaji ambao wameitwa kwa mara ya kwanza katika timu ya Taifa na wale ambao wamerejeshwa baada ya kuitumikia timu hiyo katika vipindi tofauti ambapo wachezaji wapya ni Farid Mussa, Joseph Kimwaga, Ismail Gambo (Azam), Elius Maguli, Michael pius, Hassan Dilunga (Ruvu Shooting ), Willium Lucian Gallas ( Simba ) wakati waliorejeshwa ni kipa Ivo Mapunda, Deo Munishi Dida, Himid Mao Mkami, Jonas Mkude, Ramadhani Singano Mess na Juma Luizio.

Imetumwa na Editorial Team saa 12:58 AM kwenye Michezo

Dr. Kigoda ametaka tasisi kubwa zinazoshughulika na masuala ya biashara na uwekezaji kukutana na TRA

Waziri wa viwanda na biashara dokta Abdallah Kigoda ametaka tasisi kubwa zinazoshughulika na masuala ya biashara na uwekezaji kukutana na mamlaka ya mapato nchini tra kujadili jinsi ya kuangalia kupunguza ushuru na hizo kodi zisozikuwa na tija ili  mazingira ya uwekezaji na uzalishaji uwe wenye faida.

Imetumwa na Editorial Team saa 12:55 AM kwenye habari za kitaifa

SERIKALI YATANGAZA MAJINA YA WALIOCHAGULIWA KUINGIA KIDATO CHA KWANZA

Serikali imetangaza watakaoingia kidato cha kwanza  mwakani  kutokana na matokeo ya darasa la saba  ambapo wanafunzi  427,60 kati ya  844,938 waliofanya mtihani huo mwaka huu wamefaulu ikiwa ni asilimi 50.61 huku ikisisitiza hakuna asiyejua kusoma kuhesabu na kuandika .

Jumla ya wanafunzi  844,938 wamechaguliwa kujiunga na kidato cha kwanza mwakani katika shule za serikali kati ya wanafunzi 867,983 waliofanya mtihani huo mwaka huu.

Akitangaza matokeo hayo katibu mkuu ofisi ya waziri mkuu tawala za mikoa na serikali za mitaa Bw. Jumanne Sagini amesema katika wanafunzi waliofaulu 16,482 wamekosa nafasi na kwamba watasubiri chaguo la pili na kwamba katika mitihani hiyo vitendo vya udanganyifu vilipungua tofauti na mwaka jana.

Kuhusu kuwepo kwa wanafunzi ambao wamemaliza darasa la saba mwaka huu huku wakiwa hawajui kusoma wala kuandika katibu mkuu huyo wa Tamisemi amesema hakuna mwanafunzi hata mmoja aliyemaliza darasa hilo la saba hakiwa hajui kusoma na kuandika na kwamba hizo ni propaganda za watu wasioitakia mema sekta ya elimu hapa nchini.

Imetumwa na Editorial Team saa 12:52 AM kwenye habari za kitaifa

SERIKALI YALIPUUZA BUNGE NA KUWASAFISHA JAIRO, NYONI NA MTASIWA KIMYAKIMYA.

Serikali imewasafisha aliyekuwa Katibu Mkuu Wizara ya Afya na Ustawi wa Jamii, Blandina Nyoni na aliyekuwa Katibu Mkuu wa Wizara ya Nishati na Madini, David Jairo huku ikimpandisha cheo aliyekuwa Mganga Mkuu wa Serikali Deo Mtasiwa.

Nyoni alisimamishwa kazi pamoja na aliyekuwa Mganga Mkuu wa Serikali, Dk Deo Mtasiwa  na wote kwa pamoja walikuwa na tuhuma za kutumia vibaya madaraka yao wakiwa watumishi wa umma.

Jairo kwa upande wake alisimamishwa kazi kutokana na kuchangisha fedha kinyume cha sheria kwa lengo la kusaidia mchakato wa kupitisha bajeti ya wizara yake, katika mwaka wa fedha 2011/2012 na sasa ameondolewa kwenye utumishi wa umma, huku Bunge likiwa bado halijapata taarifa ya utekelezaji wa maazimio yanayomuhusu.

Uchunguzi wa gazeti hili umebaini kuwa Nyoni kwa sasa amerejea kwa mwajiri wake wa awali, Mamlaka ya Mapato Tanzania (TRA), akishikilia nafasi ya mmoja wa wakuu wa idara, huku Dk Mtasiwa akiwa ameteuliwa kuwa Naibu Katibu Mkuu, katika Ofisi ya Waziri Mkuu, Tawala za Mikoa Serikali za Mitaa (Tamisemi).

Katibu Mkuu Kiongozi

 Katibu Mkuu Kiongozi, Balozi Ombeni Sefue amelithibitishia gazeti hili kuhusu watumishi hao na kwamba taratibu zimefuatwa.

“Mimi ninachojua ni kwamba Blandina alikuwa mwajiriwa wa TRA na mkataba wake ulikuwa haujaisha… Siyo kwamba alikuwa na mikataba miwili, kwenye utumishi wa umma huwa kuna utaratibu wa kuazima watumishi wa umma.

Ndiyo maana unaweza kukuta mwanajeshi anatolewa jeshini na kupelekwa uraiani au mtumishi kutoka idara moja kwenda nyingine. Kwa upande wetu sisi tulishamwondoa kwenye ukatibu mkuu na kule TRA hakuwa na tatizo,” alisema Balozi Sefue.

Kuhusu Dk Mtasiwa alisema: Uteuzi wa Dk Mtasiwa ulikuwa wazi na hata alipoapishwa mambo yote yalitangazwa hadharani.” Aliendelea kufafanua kuhusu Jairo akisema: “Jairo alishaondolewa kwenye ukatibu mkuu, siyo mtumishi tena wa umma.” Naye Mkurugenzi wa Huduma na Elimu kwa Mlipa Kodi wa TRA, Richard Kayombo alimtetea Nyoni akisema kuwa amerudi kwenye ajira yake ya awali.

“Siyo kwamba ameajiriwa TRA, amerudi tu kwenye ajira yake ya zamani, alikuwa akifanya kazi hapa akaazimwa na sasa amerudi,” alisema Kayombo na kuongeza: “Kwani amefanya kosa gani? Kuna mashtaka yoyote aliyofanya unaweza kuyathibitisha?”

Kauli hiyo iliungwa mkono na Mwenyekiti wa Bodi ya TRA, Bernard Mchomvu ambaye alisema Nyoni alishasafishwa na Serikali ndiyo maana wamempokea. “Yule aliazimwa tu na Serikali…Sasa kama Serikali imesham-clear sisi tutamkataaje?” alihoji na kuongeza:

“Kwa sababu sikumwomba huyo mtu, nimeambiwa kwamba huyo yuko safi mimi nifanyeje? Unajua watu wanafurahia wengine wakipata matatizo, hata kama mtu ameua, basi walete ushahidi. Hata unaposema nchi imejaa rushwa, ulete ushahidi… kama Serikali imeshamsafisha, ningemkataa ningekuwa mtu wa ajabu.”

Jitihada za kumpata Nyoni kupitia simu yake ya mkononi hazikuzaa matunda, baada ya simu yake kupokelewa na sauti ya kiume iliyosema kuwa namba imekosewa.

Hata alipotafutwa kwa namba nyingine, simu ilipokelewa na mwanamke aliyejitambulisha kama mfanyakazi wa Wizara ya Afya na kwamba namba hiyo kwa sasa haitumii tena. Alipotafutwa kwa njia ya simu, Katibu wa Bunge Dk Thomas Kashilillah, alisema suala hilo aulizwe msemaji wa Serikali juu ya Bunge.

“Ongea na msemaji wa Serikali juu ya mambo ya Bunge,” alijibu kwa njia ya ujumbe wa simu.

Lukuvi

Naye Waziri wa Nchi katika Ofisi ya Waziri Mkuu, Sera na Uratibu wa Bunge, William Lukuvi alisema kuwa hawezi kuzungumzia suala hilo kwa kuwa hayuko ofisini.

“Niko ‘airport’ nasafiri kwenda South Africa, msinipigie simu, siko ofisini hadi mwezi ujao (Januari),” alisema Lukuvi na kukata simu yake.

Awali alipoulizwa kwa njia ya simu baada ya mwandishi kuelezea suala hilo alisema ana kazi nyingi na kwamba apigiwe baadaye.

Makani azungumza

Mwenye wa Kamati Teule ya Bunge iliyochunguza tuhuma hizo, Ramo Makani, ambaye pia ni Mbunge wa Tunduru Kaskazini, akizungumza na gazeti hili kuwa: “Ni kweli mimi nilikuwa Mwenyekiti wa Kamati ya Bunge iliyochunguza suala hilo, kwa utaratibu kamati kama hiyo huundwa kwa kanuni za Bunge kwa kupewa majukumu maalumu… Kama mbunge tu ningefurahi kusikia taarifa ya Serikali bungeni baada ya kupata taarifa ya Bunge,” alisema Makani na kuongeza:

“Serikali iliahidi kuleta taarifa bungeni ya utekelezaji wa maagizo ya Bunge. Mimi sikumbuki kama taarifa hiyo imeshasomwa bungeni, labda wewe mwenzangu umebahatika kuisikia. Kwa hiyo bado tunasubiri… Kama Serikali imechukua hatua, mimi sijui.”

Tuhuma za Nyoni

Nyoni alituhumiwa kutenda makosa saba ambayo yaliainishwa wakati wa mgomo wa madaktari ulioanza Januari mwaka jana, hali iliyomlazimisha Waziri Mkuu Mizengo Pinda, kutangaza kumsimamisha kazi ili uchunguzi uweze kufanyika.

Baadhi ya tuhuma zilizokuwa zikimkabili ni pamoja na kujilipa mshahara wa ziada kupitia Mradi wa Taifa wa Kudhibiti Ukimwi (NACP) nje ya mshahara aliokuwa akilipwa na Serikali, kutengua utaratibu rasmi wa kila Idara ya Wizara ya Afya kuwa na ofisa ununuzi wake kwa kujiweka yeye mwenyewe.

Tuhuma nyingine zilikuwa kulazimisha Wizara ya Afya kununua sare za madereva, suti za sikukuu (Sabasaba na Nanenane) na maua kutoka Mariedo bila kushindanisha na muuzaji mwingine kinyume na kanuni za ununuzi.

Katika mikutano yote inayofanyika wizarani, alikuwa akilazimisha Kampuni ya Kaliula Catering Services kupewa zabuni ya kutoa huduma ya chakula kwa washiriki tangu alipotua wizarani kama Katibu Mkuu.

Sakata la Jairo

Hatua ya kumwondoa Jairo katika utumishi wa umma nayo imefanyika kimyakimya kwani Serikali hadi sasa haijawasilisha bungeni majibu ya maazimio ya Bunge kuhusu sakata hilo ambalo pia liliwagusa watumishi wengine wa Wizara ya Nishati na Madini. Maazimio hayo ni yale yaliyotokana na matokeo ya uchunguzi  wa Kamati Teule ya Bunge   iliyoongozwa na Makani na kubainisha kuwapo kwa makosa ya kiutumishi na kijinai ambayo yangewafikisha baadhi ya watumishi hao katika vyombo vya sheria.

Mbali na Jairo, kamati hiyo ilipendekeza kuwajibishwa aliyekuwa Waziri wa Nishati na Madini, William Ngeleja; Mdhibiti na Mkaguzi Mkuu wa Hesabu za Serikali (CAG), Ludovick Utouh na aliyekuwa Katibu Mkuu Kiongozi, Philemon Luhanjo.

Hata hivyo, ni Jairo pekee kati ya hao aliyewajibishwa kwa kusimamishwa kazi na baadaye kuondolewa katika wadhifa wake. Luhanjo alistaafu utumishi wa umma bila kuchukuliwa hatua zozote wakati Utouh anaendelea na wadhifa wake.

Pia katika taarifa yake, Kamati Teule ilisema utaratibu wa uchangishaji wa fedha Sh418.081 milioni uliofanyika katika Wizara ya Nishati na Madini haukuwa na uhalali kwa mujibu wa Katiba, Sheria na Kanuni za Fedha za Umma.

Pamoja na mambo mengine, Bunge liliazimia kwamba ufanyike ukaguzi wa kiuchunguzi (forensic audit) kwa matumizi ya Sh214 milioni, ambazo kati ya hizo Sh126 milioni Kamati Teule ilikataa maelezo ya matumizi yake na Sh88 milioni ni zile zinaotajwa kwamba zilitumika katika kugharimia semina kwa wabunge.

Azimio jingine ni lile lililoitaka Serikali iviagize vyombo vya dola kufanya uchunguzi kuhusu tuhuma za kughushi na ubadhirifu zilizoelezwa ili hatua za kisheria ziweze kuchukuliwa kama ilivyoelekezwa.

Baada ya kufikiwa kwa maazimio hayo, Serikali kupitia kwa aliyekuwa Waziri wa Nchi, Ofisi ya Rais (Utawala Bora), Mathias Chikawe iliahidi kuyafanyia kazi na kuwasilisha majibu bungeni.

“Kwa sababu ya ukubwa na uzito wa taarifa hii, ni vigumu kuitolea majibu yote hapa hapa, ninachoweza kufanya ni kuipokea pia tutakapokuja katika Mkutano wa Sita, tunatarajia kuleta majibu ya hoja zilizomo kwenye taarifa hii,” alisema Chakawe ambaye sasa ni Waziri wa Katiba na Sheria.

Imetumwa na Editorial Team saa 12:48 AM kwenye habari za kitaifa

YANGA KUMLIPA BRANDTS MILIONI 170 KWA KUVUNJA MKATABA

Dar es Salaam. Kocha wa Yanga, Ernie Brandts sasa atavuna Sh170 milioni kutoka kwa uongozi wa timu hiyo baada ya kusitisha mkataba wake jana.

Kutokana na hali hiyo, Yanga italazimika kumlipa mshahara wake wa miezi 10 iliyobakia ambayo ni zaidi ya Sh170 milioni kwa kuwa kocha huyo alikuwa akilipwa mshahara wa Dola 10,000 kwa mwezi.

Uamuzi wa kumtimua kocha Brandts umefikiwa kwenye kikao cha kamati ya utendaji ya Yanga iliyoketi juzi Jumamosi muda mchache baada ya timu hiyo kunyukwa kwa mabao 3-1 na watani zao Simba katika mchezo wa Nani Mtani Jembe.

Akizungumza Makao Makuu ya klabu hiyo iliyopo mtaa wa Twiga na Jangwani, Mwenyekiti wa Kamati ya Usajili, Abdallah Bin kleb alisema wamefikia uamuzi huo baada ya kupokea maoni ya wachezaji mbalimbali wa zamani kuhusu kiwango cha timu.

“Tumempa notisi ya siku 30 ili tuendelee kutafuta kocha mwingine na tupo kwenye mchakato wa kumlipa stahiki zake, tuachane kwa amani.

“Mwanzoni alipandisha kiwango cha timu, kilipanda sana, lakini baadaye kiwango kikaanza kushuka, tukasema tumpe muda kidogo, lakini tunaona mambo yanazidi kuharibika, hivyo tumeamua kuachana naye kwa sababu hana jipya, sisi tunalenga michuano ya kimataifa zaidi sasa kwa kiwango hiki hatutafika mbali ni lazima tuchukue hatua za haraka zaidi,” alisema.

Kuhusu wajumbe wengine wa benchi la Ufundi, Bin Kleb alisema kwamba taratibu nyingine zinafuata na ndani ya wiki hii kuna matukio mengi makubwa ambayo klabu yake itayafanya.

Hata hivyo tayari Brandts alikabidhiwa barua yake ya kusitishiwa mkataba rasmi juzi na jana baada ya mazoezi Makamu Mwenyekiti wa klabu hiyo, Clement Sanga alikutana na wachezaji na kuzungumza nao kwa zaidi ya nusu saa.

Naye Brandts alipozungumza na gazeti hili kuhusiana na kuvunjiwa mkataba alisema kwa kifupi “Nasubiri notisi ya siku 30 imalizike, kuna kitu nitaongea, lakini sasa hivi msikilizeni Abdallah (Binkleb) anachosema ukifika muda na mimi nitazungumza.”

Yanga imevunja mkataba na kocha huyo ukiwa umepita mwezi mmoja tangu wamwongezee mkataba wa mwaka mmoja wa kuinoa timu hiyo.

Licha ya kufungashiwa virago, kocha, Brandts ameonyesha kukasirishwa na nidhamu mbovu ya mastaa wake.

Kwenye mazoezi yaliyofanyika jana kwenye Uwanja wa Bora Kijitonyama, nyota wengi wa klabu hiyo hawakufika mazoezi bila ya kutokuwa na taarifa zao zaidi ya Athuman Idd ‘Chuji’ ambaye amefiwa na bibi yake.

Baadhi ya wachezaji ambao walikacha mazoezi ya kocha huyo ni Ally Mustapha, Kelvin Yondani, Mbuyu Twite, Emmanuel Okwi na Hamis Kiiza.

“Sielewi, walitakiwa leo wawepo mazoezini, lakini sijawaona, sina taarifa zao labda ni kwa vile maprofesheno, sielewi.

“Profesheno nidhamu ni kitu cha kwanza, lakini hapa profesheno ni tofauti anaamua vile anataka, najua Chuji amefiwa na bibi yake, lakini Okwi na wenzake sielewi chochote labda viongozi wanajua walipo mimi sijui.”

Yanga itaondoka Januari 2 kwenda visiwani Zanzibar kwa ajili ya michuano ya Kombe la Mapinduzi na Januari 14 itakwea pipa kwenda Hispania kwa kambi ya siku 10.

Imetumwa na Editorial Team saa 8:17 AM kwenye Michezo

WANANCHI WATAKOMBOLEWA NA ELIMU BORA SIO SIASA

Ulimwengu mzima unatambua kwamba hakuna nchi iliyowahi kuendelea bila wananchi wake kuwa na elimu. Maendeleo yote yametokana na elimu sahihi iliyojaa maarifa, ubunifu, uwezo mkubwa wa kufikiri na kuvumbua dhana mpya.

Elimu hii ni ile inayojenga ujuzi na ufundi wa aina mbalimbali, inayojenga kujiamini, kudadisi na kutumia fursa zilizopo kutafuta ufumbuzi wa matatizo.

Ukweli huu ndio unaoisukuma jamii kubwa kuwekeza katika elimu. Tena siyo bora elimu tu, bali ni elimu sahihi inayolingana na mahitaji ya jamii. Kuna ukweli usiopingika kwamba wafadhili wametoa pesa nyingi kusaidia nchi maskini ikiwemo Tanzania, lakini bado umaskini umetamalaki.

Pamoja na misaada hii, Tanzania imebarikiwa utajiri mkubwa mno ambao kama ungetumika kwa haki na usawa, ungepunguza umaskini kwa kiwango kikubwa.

Jamii kubwa ya Watanzania inaishi ndani ya lindi la matatizo lukuki ambayo nchi nyingi walishayatatua miongo kadhaa iliyopita. Wenzetu sasa wanatafuta maarifa mapya ya kuibadili dunia hii wapendavyo, kwa kurahisisha kila kitu kwa teknolojia na uvumbuzi mpya. Hii yote ni nguvu ya elimu!

Kwa mantiki hiyo, suala la kuwekeza katika elimu sahihi haliepukiki na linapaswa kutiliwa mkazo na kila mmoja wetu kwa kuzingatia umuhimu wake.

Hata hivyo, kwa sasa tunahitaji kuwekeza kisasa na kibunifu katika elimu, sio kuwekeza kimazoea tu kunakoacha nyuma maarifa ya wanafunzi na kukimbilia vyeti, idadi na mitihani. Uwekezaji wa kweli katika elimu ni kufanya kile mwanafunzi anapaswa kupata awapo shule ili aweze kupambana na changamoto zinazoikabili jamii inayomzunguka. Siyo kufanya kile wanasiasa wanachotaka kuona.

Elimu ni mchakato wa kuwapatia wanafunzi maarifa stahiki, sio kuwafurahisha wanasiasa. Kumfurahisha mwanasiasa na kuacha mwanafunzi akiwa hana maarifa wala ubunifu wowote ni usaliti kwa maelfu ya watoto wa Tanzania.

Hali hii inaibua changamoto nyingi katika sekta ya elimu kama vile: kuwa na mitalaa isiyoelekeza wala kukazia kumjenga mwanafunzi kupata maarifa, ujuzi na stadi za aina mbalimbali zitakazowasaidia wanafunzi kuishi pindi wamalizapo shule.

Mitalaa ya sasa imebuniwa ili kuufanya usomi uonekane ni kufaulu mtihani na kukumbuka dhana rahisi tu. Mitalaa haiwafundishi au kuwapa vijana uwezo wa kutatua matatizo ili kujenga nguvu ya kupambana na changamoto zinazoikabili jamii. Wanakaririsha nadharia tu ambazo haziwajengei maarifa wala ujuzi wowote.

Mitaala imetungwa na wataalamu wachache bila kuzingatia mahitaji ya jamii. Unakuta mada nyingine katika masomo hazihitajiki kabisa. Wanafunzi wanajikuta wamejazwa majuzuu ya nadharia zisizohitajika wala kutumika. Matatizo ya jamii yanabaki palepale.

Walimu nao hawatoshelezi mahitaji, kuwa na walimu wasio na sifa za ualimu na waliokata tamaa ni hali ya kawaida kwa Tanzania kwa sasa. Kuna upungufu mkubwa wa walimu Tanzania. Wengi wanaacha kazi na wachache waliopo wamekata tamaa kutokana na sekta ya elimu kukosa mvuto na kukithiri kwa siasa kwenye elimu.

Kutokana na hili walimu wengi hawana moyo wa kufundisha. Hawatumii kabisa vionjo vya saikolojia ya ualimu. Na matokeo yake wanafunzi wanakosa maarifa na malezi ya walimu. Wengi wanafeli mitihani na hatimaye kufeli maisha.

Motisha kwa walimu, kuwajali, kuwasimamai na kuwawajibisha walimu na kuwathamini ni jambo la muhimu kuelekea elimu bora. Bila kuwafanyia haya walimu hakuna elimu bora. Kuwahadaa walimu kila siku kwa ahadi zisizotekelezeka ni kudhoofisha maendeleo ya Taifa na kuliweka rehani kwa watu mbumbumbu!

Walimu wamekuwa wakifundisha kupitia unaoitwa mfumo wa “ubao –chaki” unaowafanya wanafunzi kuwa ni vikapu tu vya kupokea maelezo ya mwalimu bila kuchagiza kufikiri na kuvumbua kitu kipya.

Katika karne hii ya maarifa na changamoto nyingi mfumo huu haufai. Mbinu shirikishi zinazowapa muda na fursa wanafunzi kujadili wenyewe na kutoa mawazo yao kwa uwazi ndio sahihi.

Mbinu hizi zinaamsha ari ya kujifunza, zinaamsha udadisi, ubunifu, fikra yakinifu na kukuza uhodari wa kutafuta maarifa hata kama hawapo shule.

Siku hizi ni kawaida kuona uamuzi wa mtu mmoja unatawala shughuli nzima za taasisi fulani. Na baadhi ya viongozi wamegeuka madikteta. Hali hii imeondoa uharaka wa kuleta mabadiliko katika taasisi zetu za elimu. Kwa mfano, hakuna mikakati ya kifikra na ki mipango ya kuifanya shule kuwa mahali salama pa kujifunza na kuibua vipaji vya watoto. Pengo hili bado halijafanyiwa juhudi za dhati kuzibwa.

Kwa sasa, mtoto wa masikini anayelilia elimu imkomboe, anahitaji mfumo mzuri utakaotoa dira na dhamira ya kweli kuifanya elimu kuwa ni haki ya msingi kwa kila mtoto, sio watoto wa viongozi na mabepari tu.

Tunahitaji kubuni mfumo bora wa elimu utakaokuwa na uongozi imara unaojua mabadiliko na kufanyakazi kibunifu na kushirikiana. Mfumo wa namna hii utawajengea wanafunzi uhuru wa kutafuta maarifa, kutoa maoni, kusikilizwa pamoja na kupendekeza mikakati mbalimbali ya kuboresha taalumu yao.

Tunahitaji dira ya elimu inayotufaa, inayoelekeza kwenye malengo ya elimu. Na mchakato mzima wa kujifunza utapitia katika dira hiyo. Dira inayoishi na kufanyakazi, siyo dira ya kwenye nembo za sare za wanafunzi, kwenye nyaraka za Serikali na kwenye vitabu tu, lakini hazifanyi kazi. Dira iliyokufa nayo inaua elimu!

Imetumwa na Editorial Team saa 8:13 AM kwenye habari za kitaifa

DK Slaa amtaka JK kuwawajibisha wakuu vyombo vya dola nchini

Igunga. Katibu Mkuu wa Chama cha Demokrasia na Maendeleo (Chadema), Dk Willbroad Slaa, amehitimisha ziara yake wilayani Igunga na kumtaka Rais Jakaya Kikwete kuwawajibisha Mkurugenzi wa Usalama wa Taifa, Mkuu wa Jeshi la Polisi pamoja na Jeshi la Wananchi Tanzania (JWTZ) kutokana na sakata la Operesheni Tokomeza Ujangili (OTU).

Vile vile, amemuonya Mbunge wa Kigoma Kaskazini, Zitto Kabwe kwa kusema kuwa anakabiliwa na tishio la kufukuzwa uanachana kutokana na kuwepo na vikaratasi vinavyogawanywa kupinga uamuzi wa Kamati Kuu ya Chadema.

Akizungumza katika mkutano wa hadhara uliofanyika katika Viwanja vya Barafu, Igunga, Dk Slaa alisema kwamba Rais Kikwete anapaswa kuwawajibisha iwapo hawatafanya hivyo ili kujijengea heshima katika kipindi cha miaka miwili ya utawala wake uliobakia.

Alisema katika taarifa ya Kamati ya Kudumu ya Bunge ya Ardhi, Maliasili na Mazingira kuhusu Operesheni Tokomeza Ujangili, iliyowasilishwa Bungeni, Serikali na vyombo vya dola vimeumbuka kutokana na kubainika kuwa vilihusika katika kuwatesa raia, kuwaua ikiwa ni pamoja na kupora mali zao, hivyo kwa vile watekelezaji walikuwa ni idara ya usalama wa Taifa, Polisi na Jeshi la Wananchi bado wakuu wake wanapaswa kujiuzulu kutokana na aibu hiyo.

“Kule Serengeti mkoani Mara walimkamata kijana wetu, tena Diwani wa Chadema na kumlazimisha kukiri kuwa alikuwa akimiliki bunduki na kuwinda tembo, alipokataa walimpiga shoti ya umeme, wakamwekea waya wa baiskeli na kuusokota, lakini kule Babati wamemkamata mama wakidai kuwa alikuwa akiua tembo na kumbaka kwa zamu,” alieleza Dk Slaa.

Alisema kwamba mateso haya yanafanyika sasa na vyombo vya dola baada ya kufanywa kwa muda mrefu na watendaji wa vijiji, wakuu wa wilaya na wakuu wa mikoa, lakini licha ya kwamba njia ya kuondoa kero hizo za manyanyaso kwa wananchi hazihitaji fedha, lakini bado Serikali imekuwa ikishindwa kuchukua hatua.

Alisema watu wanabambikiwa kesi za mauaji kwa makusudi, Serikali ipo ikiangalia pamoja na vyombo vya usalama wa Taifa, hivyo kuwataka wakuu wake nao kufuata njia za mawaziri wanne kwa kujiuzulu ili kulinda hadhi ya taasisi zao.

“Polisi walikamata vijana wetu wa Chadema wakati walipokuwa wakitaka kutubambikia kesi ya ugaidi, waliwapeleka kule Tabora waliwatesa na umeme mateso makali sana, waliwachanachana kwa visu vya bunduki sehemu zao za siri na kuwawekea waya, mateso haya ni makali na yamefanywa kwa vijana ambao wameoa juzi, bora hata wangefanya kwangu mimi mwenye umri mkubwa,” alieleza kwa masikitiko.

Alipokuwa katika Wilaya ya Nzega, Dk Slaa, alimuonya Mbunge wa Kigoma Kaskazini, Zitto Kabwe  kuwa anakabiliwa na tishio la kufukuzwa uanachama kwa kile kinachoendelea kwa sasa ndani ya chama.

Akizungumza katika mkutano wa hadhara uliofanyika Nzega Mjini alisema chama kimepokea taarifa za mpango wa kundi la watu ambao wanasadikiwa kuwa wafuasi wa Zitto kupitisha karatasi na kusainisha majina ya wanachama kwa lengo la kuandaa pingamizi dhidi ya uamuzi wa chama jambo ambalo alisema litamponza.

Imetumwa na Editorial Team saa 7:49 AM kwenye habari za kitaifa

TANESCO YAPEWA BARAKA KUPAISHA TENA BEI YA UMEME

Dar es Salaam. Mamlaka ya Udhibiti wa Huduma za Nishati na Maji (Ewura) imetangaza bei mpya za umeme ambazo zimepanda kwa kuzingatia makundi tofauti.

Akizungumza na waandishi wa habari jana, Mkurugenzi Mdhibiti Uchumi wa Ewura, Felix Ngamlagosi alisema bei mpya zitaanza kutumika Januari Mosi, 2014 mpaka Desemba 2016. Hata hivyo, alisema mabadiliko ya bei yanaweza kutokea katikati ya kipindi hicho cha miaka mitatu.

Pia alisema bei hizo za umeme zitakuwa zikirekebishwa kila baada ya miezi mitatu kutokana na mabadiliko ya kiwango cha bei za mafuta, mfumuko wa bei, mabadiliko ya thamani ya fedha sanjari na upatikanaji wa ruzuku kutoka serikalini.

Alisema kutokana na matarajio ya kuanza kuzalisha umeme wa gesi, Ewura imeiagiza Tanesco kufanya utafiti wa kutathmini mahitaji ya wateja wake katika kipindi cha miaka mitatu ijayo.

Bei mpya ya umeme

Ngamlagosi alisema mwananchi wa kipato cha chini anayetumia uniti (0-75) kwa mwezi, atalazimika kulipia Sh100 kwa uniti ukilinganisha na Sh60 iliyokuwapo awali.

Ongezeko lipo pia katika kundi linaoitwa T1 la watumiaji wakubwa wa umeme wa nyumbani, ambao watalipia Sh306 kwa uniti ikiwa ni ongezeko la Sh85 ya bei iliyopo sasa.

Alisema katika kundi la T2 la wateja wakubwa wanaopimwa kwenye matumizi ya uniti 7,500, malipo ya uniti moja yamefikia Sh205 ikiwa ni ongezeko la Sh73 kutoka bei ya sasa.

“Kundi jingine la T3-MV ambao ni wateja wa viwanda vikubwa, litaanza kulipia Sh166 kwa uniti ikiwa ni ongezeko la Sh45 ya bei ya sasa pamoja na kundi la T3HV lililounganishwa kuanzia voti 66,000 na zaidi ambalo litaanza kulipia Sh159 kwa uniti ikiwa ni ongezeko la Sh53,” alisema Ngamlagosi.

Masharti kwa Tanesco

Akizungumzia masharti yatakayoendana na utekelezaji wa bei hiyo mpya, Ngamlagosi alisema Bodi ya Wakurugenzi ya Ewura imeliagiza shirika hilo kuanza kuzalisha umeme kwa kutumia mitambo yenye gharama nafuu huku ikilazimika kuwasilisha ripoti ya utekelezaji wake kila mwezi.

“Pia italazimika kuwasilisha ripoti kila baada ya miezi mitatu kuhusu viashiria vya takwimu za ubora na uhakika wa umeme, pia itakuwa ikiwasilisha ripoti kila baada ya miezi mitatu kuhusu ukusanyaji wa madeni yake ili kuongeza mapato ya shirika,” alisema Ngamlagosi.

Hatua hiyo imekuja siku chache baada ya Tanesco kuwasilisha maombi Ewura ya kurekebisha bei za umeme, ikipendekeza kupandisha bei hizo kwa asilimia 67.87 kwa lengo la kuiwezesha kujiendesha kutokana na changamoto mbalimbali zinazokwamisha utoaji wa huduma.

Ngamlagosi alisema mamlaka hiyo imepata ufumbuzi wa kunusuru shirika hilo katika maeneo mawili ikiwamo kuongeza bei ya gharama za umeme na shirika kupatiwa mkopo wa gharama nafuu.

Alisema uamuzi huo unatokana na uchambuzi uliofanywa na Ewura katika maeneo ya kifedha na kiufundi ndani ya Tanesco ili kujiridhisha na maombi hayo, pia kuangalia uwezo wa kutekeleza majukumu yake.

“Baada ya hapo, Ewura ilibaini kuwa hali ya kifedha Tanesco si nzuri kwani hasara imeendelea kuongezeka kutoka Sh47.3 bilioni kwa mwaka 2010 mpaka kufikia hasara ya Sh223.4 bilioni kwa mwaka 2012,” alisema Ngamlagosi.

Pamoja na upungufu wa kiufanisi, mamlaka hiyo imesema kuwa ilibaini sababu ya kuongezeka hasara kuwa ni ongezeko la gharama za uzalishaji wa umeme ambao Tanesco inanunua kutoka kwa wazalishaji binafsi na hivyo kushindwa kulipa madeni yanayofikia kiasi cha Sh456.8 bilioni.

Kwa hisani ya gazeti la Mwananchi

Imetumwa na Editorial Team saa 7:46 AM kwenye habari za kitaifa

POLISI YAKIRI KUTIKISWA NA OPERESHENI TOKOMEZA

Dar es Salaam.  Jeshi la Polisi, limekiri kutikiswa na ripoti ya Operesheni Tokomeza Ujangili ambayo imemkumba Waziri wake wa Mambo ya Ndani ya Nchi, Dk Emmanuel Nchimbi.

Mkurugenzi wa Upelelezi wa Makosa ya Jinai, Isaya Mungulu alisema jana kwamba operesheni hiyo imelitikisa jeshi hilo kutokana na madhara yaliyojitokeza wakati wa utekelezaji wake.

“Lengo la operesheni hiyo halikuwa kuleta madhara kwa wananchi, yaliyotokea ni changamoto kwa Polisi na sasa ni kujipanga upya ili haya yasije kutokea tena,” alisema na aliongeza: “Kwa sasa tunaziachia mamlaka husika ziendelee kulishughulikia suala hili kwa sababu limehusisha idara mbalimbali za Serikali.”

Kauli hiyo, imekuja baada ya ripoti iliyosomwa bungeni na Mwenyekiti wa Kamati ya Kudumu ya Bunge ya Ardhi, Maliasili na Mazingira, James Lembeli ambayo imesababisha Rais Jakaya Kikwete kusitisha uteuzi wa mawaziri wanne.

Kauli hiyo, imekuja baada ya ripoti iliyosomwa bungeni na Mwenyekiti wa Kamati ya Kudumu ya Bunge ya Ardhi, Maliasili na Mazingira, James Lembeli ambayo imesababisha Rais Jakaya Kikwete kusitisha uteuzi wa mawaziri wanne.

Mapema Novemba, mwaka huu, Spika wa Bunge, Anne Makinda aliunda Kamati ya Bunge ya Maliasili, Ardhi na Mazingira kuchunguza utekelezaji wa Operesheni Tokomeza Ujangili baada ya kutokea mjadala mkali bungeni kuhusu kadhia waliyopata wananchi.

Katika mjadala huo, wabunge walilalamikia watekelezaji wake wakisema ilitawaliwa na mateso kwani waliokuwa wakiiendesha walikuwa wakiwatesa wananchi na hata kusababisha vifo na majeruhi.

Taasisi zilizokuwa zikiendesha operesheni hiyo kabla ya kusitishwa ni; Jeshi la Wananchi wa Tanzania (JWTZ) na Polisi.

Kuzinduliwa kwa operesheni hiyo kulikuwa na lengo la kulinda rasilimali za nchi hasa tembo ambao katika siku za hivi karibuni wamekuwa wakiuawa kwa kasi na majangili kwa ajili ya pembe za ndovu.

Credits: Mwananchi Gazeti

Imetumwa na Editorial Team saa 1:38 AM kwenye habari za kitaifa

WABUNGE WAJIPANGA KUMTIMUA PINDA

Dodoma/Dar es Salaam. Baadhi ya wabunge wameanzisha mkakati wa kumwondoa madarakani, Waziri Mkuu, Mizengo Pinda katika kile wanachodai kuwa hawaridhishwi na utendaji wake serikalini.

Hiyo ni dalili kwamba kung’oka kwa mawaziri wanne kutokana na matokeo ya ripoti ya utekelezaji wa Operesheni Tokomeza Ujangili hakujamnusuru Pinda, kwani baadhi ya wabunge wanaendelea na msimamo kwamba naye ajiuzulu kwa kushindwa kuwasimamia wenzake.

Mawaziri waliong’oka baada ya Rais Jakaya Kikwete kutengua uteuzi wao kutokana na ripoti iliyowasilishwa na Kamati ya Bunge ya Ardhi, Maliasili na Mazingira ni Mawaziri wa Ulinzi na Jeshi la Kujenga Taifa, Shamsi Vuai Nahodha, wa Mambo ya Ndani ya Nchi, Dk Emmanuel Nchimbi, Maendeleo ya Mifugo na Uvuvi, Dk Mathayo David Mathayo na Maliasili na Utalii, Balozi Khamis Kagasheki.

Hatua hiyo ya Rais Kikwete inatafsiriwa na wengi kama njia ya kuwapoza wabunge na kumwokoa Pinda ambaye ikiwa atang’oka itamaanisha kuundwa upya kwa Baraza la Mawaziri.

Habari ambazo zimelifikia gazeti hili jana zinasema wabunge 26 wametia saini fomu maalumu ya kutaka Bunge litumie mamlaka yake ya kikatiba kumng’oa Pinda kwa kumpigia kura ya kutokuwa na imani naye.

Kwa mujibu wa Ibara ya 53 A(1) ya Katiba ya Jamhuri ya Muungano wa Tanzania ya 1977, Bunge linaweza kupitisha azimio la kura ya kutokuwa na imani na waziri mkuu, endapo itatolewa hoja kupendekeza hivyo.

Kwa mujibu wa Ibara hiyo, hoja ya kumpigia kura ya kutokuwa na imani na waziri mkuu inapaswa kuungwa mkono na wabunge wasiopungua asilimia 20 ya wabunge wote.

Mbunge wa Kasulu Mjini (NCCR-Mageuzi), Moses Machali alisema hili jana kuwa ukusanyaji saini za wabunge aliouanzisha Ijumaa jioni unakwenda vizuri.

“Kung’oka kwa mawaziri wale wanne inatosha kuthibitisha kuwa Pinda amepoteza uhalali wa kuwa Waziri Mkuu kutokana na kushindwa kuwasimamia walio chini yake,” alisema Machali.

“Rais tunaweza kumuacha, lakini Pinda ndiye mtendaji mkuu wa shughuli za Serikali. Kama wapo mawaziri wameboronga ni wazi na yeye anaingia moja kwa moja katika hilo kapu,” alisema na kuongeza:

“Kama kweli tunataka taifa lisonge mbele kutoka hapa tulipo ni lazima tumuondoe Pinda…….. amekuwa mpole mno, mzito kufanya uamuzi na analea matatizo.”

Hata hivyo, alisema wabunge waliosaini fomu hiyo, wote wanatoka kambi ya upinzani na kusema wabunge wengi wa CCM aliowafuata kuwaomba watie saini wanaogopa au wanasita kufanya hivyo.

“Nataka niwaambie wabunge wa CCM hebu tusimame katika masilahi ya umma… Serikali inapofanya vibaya wanaoumia ni wananchi wetu bila kujali ni mwanachama wa chama gani,” alisema.

Pinda tayari amesema wazi kwamba yuko tayari kujiuzulu wadhifa wake iwapo Rais Kikwete ataamua kumuondoa na kwamba hata Rais asipochukua hatua hiyo ni ruksa kwa wabunge kutumia mamlaka yao ya kikatiba ya kumuondoa kwa njia ya kura ya kutokuwa na imani naye.

Wabunge wengine

Mbunge wa Mwibara (CCM), Kangi Lugola ambaye alikuwa mwiba kwa Pinda bungeni alisema: “Haya ni mambo ya ajabu sana, tutaendelea kubadilisha glasi lakini mvinyo ni uleule”.

Alisema uwajibikaji wa Serikali unaanzia kwa Waziri Mkuu na kusema anamuomba Rais atafakari ombi lake la kumfuta kazi Pinda.

“Tufike mahali tuambiane ukweli bila kumung’unya maneno kama kweli tunataka kuisaidia nchi yetu na Serikali yetu ya Chama cha Mapinduzi ambayo inapendwa na kuaminiwa na Watanzania,” alisema Lugola.

Mbunge wa Iringa Mjini (Chadema), Mchungaji Peter Msigwa  alisema anavyomuona Pinda na kutafsiri utendaji wake, anadhani kuwa viatu vya uwaziri mkuu vinampwaya.

“Haiwezekani mara mbili ndani ya Bunge mawaziri wang’oke halafu wewe ubaki… wanapoboronga katika utendaji wao lazima pia umguse kiranja wao (Pinda) na hili bado tutalia nalo,” alisema Msigwa na kuongeza:

“Tulitarajia Waziri Mkuu awe wa kwanza kutafakari na kujipima kama kweli anastahili kubaki hasa baada ya madudu yale ambayo yameichafua Serikali mbele ya umma.”

Mbunge wa Kigoma Kaskazini (Chadema), Zitto Kabwe alisema wakati umefika kwa Waziri Mkuu, Pinda kukaa pembeni na kumwachia Rais Kikwete aunde safu nyingine.

“Pinda ni mtu wangu. Tunaheshimiana na sina chuki naye. Kwanza yeye ni mmoja wa watu ninaotuhumiwa kuwapa jimbo apite bila kupingwa na kuniletea matatizo kwenye chama changu.

“Hivyo sina chuki naye maana pia anatoka kanda yetu. Hata hivyo, hali ya sasa ya nchi inahitaji kupumua. Ampe nafasi Rais aunde Serikali upya.”

Alisema kuna tatizo kubwa la uongozi ndani ya nchi na kuwa mambo hayaendi licha ya juhudi mbalimbali pamoja na Bajeti ya Serikali kuongezeka kila kukicha.

“Huduma hazifiki kwa wananchi. Serikali ni kama haipo, nchi imevimba na inahitaji kupumua. Mwaka 1990 Rais Mwinyi (Ali Hassan Mwinyi,) alikumbwa na hali kama hii na Warioba alijiuzulu ili kumpa nafasi kuunda upya Serikali. Alimrudisha Warioba lakini mawaziri wengi waliondoka,” alisema Zitto.

Aprili mwaka jana katika mazingira yanayofanana na ya mkutano wa 14 wa Bunge uliomalizika Jumamosi, wabunge 74 wakiwamo wa CCM walitia saini fomu ya kutaka kumng’oa Pinda.

Hata hivyo, aliepuka zahama hiyo, baada ya Rais Kikwete kufanya mabadiliko katika baraza lake la mawaziri mwezi mmoja baadaye na kuwaondoa mawaziri sita na manaibu waziri wawili waliokuwa wakishinikizwa kuachia ngazi.

Mawaziri hao walikuwa William Ngeleja (Nishati na Madini), Mustafa Mkulo (Fedha), Ezekiel Maige (Maliasili na Utalii), Omar Nungu (Mawasiliano), Dk Cyril Chami (Viwanda na Biashara) Dk Hadji Mponda (Afya na Ustawi wa Jamii). Manaibu walikuwa Dk Athuman Mfutakamba (Uchukuzi) na Dk Lucy Nkya (Afya na Ustawi wa Jamii).

Kutoka Gazeti la Mwananchi.

Imetumwa na Editorial Team saa 1:34 AM kwenye habari za kitaifa

Mawaziri wanne wang’oka

Dar es Salaam / Dodoma. Ripoti ya Kamati ya Maliasili, Ardhi na Mazingira iliyowasilishwa jana asubuhi bungeni mjini Dodoma, imewang’oa madarakani mawaziri wanne ambao wizara zao zilishindwa kusimamia vizuri utekelezaji wa Operesheni Tokomeza Ujangili.

Kung’oka kwa mawaziri hao kulitangazwa bungeni jana usiku na Waziri Mkuu Mizengo Pinda aliyeeleza kuwa Rais Jakaya Kikwete ametengua uteuzi wao baada ya kuwasiliana naye kwa mashauriano akiwa nchini Marekani kwa matibabu.

Mawaziri waliong’olewa kutokana na ripoti ya kamati hiyo iliyoongezewa shinikizo na michango ya wabunge wengi ni Waziri wa Maliasili na Utalii, Khamisi Kagasheki, Waziri wa Mambo ya Ndani ya Nchi, Dk Emmanuel Nchimbi, Waziri wa Ulinzi na Jeshi la Kujenga Taifa, Shamsi Vuai Nahodha na Waziri wa  Maendeleo ya Mifugo na Uvuvi, Dk Mathayo David Mathayo.

Waziri wa  kwanza kutangaza kujiuzulu alikuwa ni Kagasheki huku uamuzi wa mawaziri watatu kujiuzulu ukitangazwa na Waziri Mkuu, Mizengo Pinda.

Kagasheki alitangaza kujivua wadhifa huo sa 2:09 usiku alipokuwa akichangia majumuisho ya ripoti ya kamati hiyo iliyowasilishwa na mwenyekiti wa kamati hiyo James Lembeli ambaye ni Mbunge wa Kahama (CCM).

Katika maelezo yake Kagasheki alisema: “…Mimi ni mtu mzima nimesikia hisia nzito sana kwa waliyoyasema wabunge.  Rais Kikwete aliponiteua ilikuwa ni kwa furaha yake na operesheni hii, yaliyotokea yametokea hali ya wanyama huko si nzuri;

Mimi mwenyewe nimewasikia na nachukua fursa hii kuteremka ngazi hii ya uwaziri na nitachukua taratibu za kawaida kuijulisha sehemu inayohusika(Rais).

Baada ya Kagasheki kutangaza hatua hiyo, Spika aliwaita mawaziri Dk Nchimbi na Nahodha kuchangia hoja hiyo, hata hivyo hawakuwepo ndipo alipoitwa Dk Mathayo na kutoa maelezo yake.

Katika maelezo yake Dk Mathayo alisema kuwa ripoti hiyo haikumtendea haki kwani kamati ya Lembeli haikumwita kumhoji na kwamba hata ripoti nzima haikueleza kuhusika na kashfa hiyo. Hata hivyo akihitimisha hoja hiyo Lembeli alisema Dk Mathayo ameshindwa kusimamia mapendekezo tisa, yakiwemo matatizo    ya wafugaji aliyopewa na Rais Jakaya Kikwete Januari 18, 2006 alipoteuliwa kushika nafasi hiyo.

Akitoa maelezo ya kutenguliwa kwa uteuzi wa mawaziri hao, Waziri Mkuu Pinda alisema: “Niliona nimtafute mkuu wa nchi (Rais Jakaya Kikwete), nilimpa picha yote ya kinachoendelea, alikubali ushauri wa Bunge; ..amekubali kuchukua ya uamuzi wa kutengua uteuzi wao(mawaziri).”

Akihitimisha mjadala huo wa ripoti ya kamati yake, Lembeli alisema: “...Katibu Mkuu na watendaji wa Wizara ya Maliasili na Utalii nao wawajibishwe kutokana na kuhusika kwao na unyama uliotokea kwenye mpango wa Operesheni Tokomeza Ujangili. Rushwa iliyopo ndani ya wizara hiyo ni kubwa inakusanywa kwa kutumia simu, hivyo Serikali izichunguze simu zao kuanzia leo.”

Michango ya wabunge

Awali hali ya hewa ndani ya kumbi wa Bunge jana ilichafuka baada ya wabunge kuchangia kwa hisia kali, wakitaka Waziri Mkuu Mizengo Pinda kujiuzulu sambamba na mawaziri wengine watatu.

Mawaziri wanaotakiwa kujiuzulu ni wa Maliasili na Utalii, Balozi Khamis Kagasheki, Waziri wa Mambo ya Ndani ya Nchi, Dk Emmanuel Nchimbi na Waziri wa Ulinzi na Jeshi la Kujenga Taifa, Shamsi Vuai Nahodha.

Mbunge wa Longido, Lekule Laizer (CCM), alienda mbali zaidi na kutaka Bunge livunjwe endapo Waziri Mkuu na mawaziri hao watatu watakataa kujiuzulu kwa lengo la kung’ang’ania madaraka.

Michango ya wabunge hao ilitokana na ripoti ya kamati ndogo ya uchunguzi ya Kamati ya Ardhi, Maliasili na Mazingira chini ya Mwenyekiti wake, James Lembele iliyowasilishwa bungeni jana.

Ripoti hiyo inayohusu Operesheni Tokomeza Ujangili (OTU), ilibainisha kuwapo mauaji ya watu 13 na askari sita, utesaji wa kutisha wa watuhumiwa, ubakaji, rushwa na uporaji wa mali za wananchi.

Hata hivyo pamoja na kamati ya Lembeli kumtaka Waziri wa Maendeleo ya Mifugo na Uvuvi, Dk Mathayo David apime kama bado anastahili kuongoza wizara hiyo, wabunge walimsafisha.

Mbunge wa Kigoma Kaskazini, Kabwe Zitto (Chadema), alisema hakuna jinsi ya kuonyesha namna wabunge walivyokasirishwa na vitendo hivyo zaidi ya Serikali nzima kwa maana ya Pinda kujiuzulu.

“Naomba Waziri Mkuu uchukue ‘political responsibility’ (uwajibikaji wa kisiasa) na siyo kwamba kwa kufanya hivyo anahusika la hasha… Kama hachukui hatua Bunge libebe dhamana hiyo,” alisema.

Mbunge wa kuteuliwa, James Mbatia alisema ripoti hiyo ya Lembeli imetaja kuwapo baadhi ya wabunge wanaotuhumiwa kwa ujangili na kuhujumu OUT akitaka kamati iwataje ndani ya Bunge.

“Bungeni kazi yetu, sisi Wabunge ni kuisimamia Serikali kwa hiyo wale wabunge waliotajwa kwenye ripoti watajwe ili nao wawajibike ili Bunge letu liwe na nia thabiti ya kuisimamia Serikali,” alisema Mbatia.

Wabunge waliochafua zaidi hali ya hewa kutokana na michango yao ya hisia kali dhidi ya Pinda ni Mbunge wa Mwibara, Kangi Lugola (CCM), na Mbunge wa Iringa Mjini (Chadema), Mchungaji Peter Msigwa.

Lugola alisema makosa ya operesheni hiyo yalianza mapema wakati operesheni ya kijeshi ilipopelekwa kwa raia na kusema; “Hainiingii akilini kwamba aliyekuwa ana command (kutoa amri) ni mwanajeshi.”

“Wakati operesheni hii ikitokea wanawake wanabakwa na watu wawili…Watu wameteswa, mwanaume mwenzetu amelazimishwa kufanya mapenzi na mti Waziri Mkuu ulikuwa wapi haya yakitokea?” alihoji.

Lugola aliongeza; ”Kwa utaratibu wa nchi yetu tumekupa kila aina ya usafiri kuanzia helikopta, ving’ora kila wakati vinalia ulikuwa wapi Waziri Mkuu wakati mambo haya machafu yanatokea?”

Alisema Vuai hawezi kupona katika suala hilo kwa kuwa wanajeshi ndiyo waliobaka, kuua na kujeruhi na ndiyo walioua mifugo kwa risasi na kwamba atapona katika Bunge hilo mbele ya haki hatapona. Vivyo hivyo alisema Dk Nchimbi hawezi kupona katika kashfa hiyo kwa vile askari polisi ndiyo walioua, kubaka, kuwapa watu vile na kuua mifugo akisema; ”Utaponea wapi Dk Nchimbi?”

Lugola alisema pamoja na ripoti ya kamati kumnukuu Kagasheki akidai alinyang’anywa mamlaka yote katika utekelezaji wa OTU, akihoji ni waziri wa namna gani aendelee kukalia kiti cha uwaziri.

“Nimeisoma ripoti hii hakuna mahali Dk Mathayo alipohusika anataka kutolewa kafara… Mifugo yake imeuliwa hahusiki na sera yeye anahusika na wafugaji waliouawa pamoja na mifugo,” alisema Lugola.

Hata hivyo Lugola alisema Dk Mathayo anahusika na uzembe kwa kuwa wafugaji imeuawa, mifugo imeuawa na kuhoji waziri huyo alikuwa wapi wakati hayo yakitokea ndani ya Tanzania.

“Naendelea kumshauri Rais kama tunaitakia mema nchi hii na kama tunataka CCM kiendelee kuaminiwa na Watanzania, Rais amfukuze Waziri Mkuu mara moja,” alisisitiza mbunge huyo.

Aliongeza kusema; “vv       Mawaziri wake hao hawawezi kukwepa hili, watu wanachukua ‘political responsibility’ kwani Maige (Ezekiel) alichukua Twiga porini?” alihoji na kuongeza kusema;

“Kama tunataka tuwe na Bunge lenye viwango, Bunge lisilokuwa na ‘double standard’ (upendeleo) na nyinyi watu wameua watu na nyinyi lazima muondoke ndiyo tutajenga heshima ya nchi hii,” alisema.

Lugola alenda mbali na kusema endapo Rais atashindwa kumfukuza Pinda katika wadhifa wake huo, yeye atakuwa wa kwanza kupeleka hoja bungeni ili wabunge wapige kura ya kumng’oa Waziri Mkuu.

Kwa upande wake, Msigwa alisema wabunge wanapopendekeza Waziri Mkuu aachie ngazi hawana chuki naye, lakini kwa madudu yaliyotokea chini ya usimamizi wake ni lazima awajibike.

“Na kama mnatuheshimu, mheshimiwa Waziri Mkuu ungekuwa unatayarisha makaratasi saa hizi unaandika barua za kujiuzulu, tukufanyie sherehe ya kukuaga na nyie wa chini yake mfuate,” alisema.

Msigwa alienda mbali zaidi na kumnyooshea kidole Vuai kwamba ana rekodi mbaya kuanzia Zanzibar na kwamba dhambi ya damu ya mauaji ya raia huko Pemba inamlilia na kumfuata hadi Bara.

“Hata sisi tunasema hamkuhusika ‘direct’ (moja kwa moja) lakini hapa tunazungumzia uhai wa watu na watu waliokufa siyo wanachama wa CCM wala wa vyama vya upinzani…Tutangulize utaifa,” alisema.

Mbunge huyo alisema siku zote cheo ni dhamana na kwamba wasingependa Chadema itakapochukua nchi iwapeleke mawaziri hao Mahakama ya Kimataifa ya Jinai, iliyopo The Heague nchini Uholanzi, kwa kuwa hawatapona.

Lekule ndiye aliyepigilia msumari wa mwisho aliposema endapo Bunge litamaliza mkutano wake huo bila kuwapo mawaziri watakaowajibika, basi Rais alivunje Bunge ili ufanyike uchaguzi mwingine.

Habari hii ni kwa hisani ya gazeti la Mwananchi.

Imetumwa na Editorial Team saa 12:18 AM kwenye habari za kitaifa